REGİONLAR


Naxçıvanda peşə kurslarına məhkumlar da cəlb olunur

Naxçıvan, 3 sentyabr, AZƏRTAC

Payız-qış aylarında qazanxanaların ixtisaslı kadrlarla təmin olunması məqsədilə Naxçıvan Regional Peşə Tədris Mərkəzində qazanxana maşinisti peşəsi üzrə hazırlıq kursuna başlanılıb.

AZƏRTAC–ın Naxçıvan bürosu xəbər verir ki, ixtisaslı mütəxəssislər tərəfindən tədris olunan kursa 20 müdavim cəlb edilib. Kursun müddəti 1 ay olacaq. Müvafiq peşə üzrə Naxçıvan Muxtar Respublikası Ədliyyə Nazirliyinin Penitensiar Xidmətinin Qarışıq Rejimli Cəzaçəkmə Müəssisəsində də kurs təşkil edilib. Hazırda həmin peşə kursunda 13 məhkum təhsil alır.

Naxçıvan şəhərində yaradılacaq xalça istehsalı emalatxanasının kadr təminatı da diqqət mərkəzində saxlanılır. Bu məqsədlə Regional Peşə Tədris Mərkəzində xalçaçılıq sənəti üzrə tədris-hazırlıq kursu da davam etdirilir. “Azərxalça” Açıq Səhmdar Cəmiyyətindən dəvət olunan mütəxəssislərin iştirakı ilə keçirilən kursa 58 müdavim cəlb edilib. Onlardan 25-i tədris proqramını artıq tam mənimsəyib.

Kursun sonunda iştirakçılara “Azərxalça” tərəfindən sertifikatlar veriləcək və həmin toxucular xalça istehsalı emalatxanasında işlə təmin olunacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.