İQTİSADİYYAT


“Nebras Power” şirkəti Laçın və Kəlbəcərdə külək elektrik stansiyalarının tikintisi üzrə əməkdaşlıqda maraqlıdır

Bakı, 21 fevral, AZƏRTAC

Azərbaycan və “Nebras Power” şirkəti arasında qoyuluş gücü 550 MVt-dək olan qaz-turbin, eləcə də Laçın və Kəlbəcər rayonları ərazisində 100 MVt-lıq gücdə külək elektrik stansiyalarının (KES) tikintisi layihələri üzrə əməkdaşlıq məsələləri müzakirə edilib.

AZƏRTAC xəbər verir ki, Qətərdə keçirilən Qaz İxrac edən Ölkələr Forumu (GECF) çərçivəsində energetika naziri Pərviz Şahbazov “Nebras Power” şirkətinin baş icraçı direktoru Xalid Məhəmməd Jolo ilə görüşüb.

Görüşdə, həmçinin işğaldan azad olunmuş ərazilərdə nəzərdə tutulan bərpa olunan enerji layihələri və Xəzər dənizinin Azərbaycan sektorunda külək enerjisi potensialının reallaşdırılması ilə bağlı planlara dair fikir mübadiləsi də aparılıb.

“Nebras Power” şirkəti ilə birgə planların Qətərlə enerji əməkdaşlığının inkişafı və enerji sektoruna investisiyaların cəlbi üçün fürsətlər yaratdığı qeyd edilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.