İDMAN


“Neftçi” klubu növbəti transferini reallaşdırıb

Bakı, 7 yanvar, Nicat Məmmədov, AZƏRTAC

Yanvarın 7-də “Neftçi” futbol klubu növbəti transferini reallaşdırıb.

AZƏRTAC klubun rəsmi saytına istinadla xəbər verir ki, paytaxt təmsilçisi təcrübəli qapıçı Aqil Məmmədovla 1,5 illik müqavilə bağlayıb. İyirmi doqquz yaşlı qolkiper 30 nömrəli formanı geyinəcək.

Bunadək “Bakı”, AZAL, “Qəbələ” klublarında çıxış etmiş A.Məmmədov 2015-2016-cı illərdə “Neftçi”nin qapısını qoruyub. O, Azərbaycanın əsas və U-21 yığma komandalarının üzvü olub.

Qeyd edək ki, bundan əvvəl “Neftçi” klubu mərkəz yarımmüdafiəçiləri – qvineyalı Mamadu Kane və Turan Vəlizadə ilə 3, seneqallı mərkəz müdafiəçisi Mamadu Mbodj ilə 2,5 illik müqavilə imzalayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.