CƏMİYYƏT


Nəsimi rayonunda quldurluq hadisəsini törətməkdə şübhəli bilinən şəxslər saxlanılıblar

Bakı, 11 mart, AZƏRTAC

Nəsimi rayonunda kirayədə yaşayan Daşkəsən rayon sakini N.Tağıyev martın 10-da 20-ci polis bölməsinə müraciət edərək martın 8-də evinə gəlmiş üç nəfər tərəfindən döyüldüyünü, 1900 manat pulunun və avtomobilinin açarının alındığını bildirib.

Daxili İşlər Nazirliyinin mətbuat xidmətinin AZƏRTAC-a bildiriblər ki, müraciətlə əlaqədar müvafiq araşdırma aparılıb.

Quldurluğu törətməkdə şübhəli bilinən Gəncə şəhər sakini R.Məmmədov və Samux rayon sakini, əvvəllər məhkum olunmuş E.Həsənli Nəsimi Rayon Polis İdarəsinin 20-ci polis bölməsi və Gəncə Şəhər Baş Polis İdarəsi əməkdaşlarının birgə keçirdikləri əməliyyat-axtarış tədbirləri nəticəsində Gəncədə müəyyənləşdirilərək saxlanılıblar.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.