SİYASƏT


Nümunəvi ictimai-siyasi hazırlıq dərsləri keçirilib

Bakı, 17 may, AZƏRTAC

Bu ilin hazırlıq planına uyğun olaraq, Müdafiə Nazirliyinin Hərbi Polis İdarəsində nümunəvi ictimai-siyasi hazırlıq dərsləri keçirilib.

Müdafiə Nazirliyinin mətbuat xidmətindən AZƏRTAC-a bildiriblər ki, Şəxsi Heyət Baş İdarəsinin İdeoloji İş və Mənəvi-Psixoloji Təminat İdarəsi tərəfindən yaradılan komissiyanın iştirakı ilə keçirilən dərslərdə hərbi kollektivdə döyüş əzminin daim yüksək səviyyədə saxlanılması, milli-mənəvi dəyərlərə ehtiramın, o cümlədən xalqa, dövlətə və hərbi anda sədaqətin şəxsi heyətə daha dərindən aşılanmasının əhəmiyyətindən danışılıb.

Qeyd edək ki, dərslərin səmərəli və keyfiyyətli təşkili ilə fərqlənən qrup rəhbərləri Azərbaycan Ordusu üzrə keçiriləcək “Ən yaxşı ictimai-siyasi hazırlıq dərsinin qrup rəhbəri” müsabiqəsində iştirak edəcəklər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.