CƏMİYYƏT


Nur-Sultanda Ramazan ayında kütləvi tədbirlər qadağan edilib

Nur-Sultan, 12 aprel, AZƏRTAC

Qazaxıstanın Akmola bölgəsində, Qərbi-Qazaxıstan vilayətində və Nur-Sultanda müqəddəs Ramazan ayında kütləvi tədbirlərin keçirilməsi qadağan edilib.

AZƏRTAC xəbər verir ki, ərazi sanitar baş həkiminin qərarı ilə Ramazan ayı ərzində dini obyektlərin (məscidlər, kilsələr, sinaqoqlar və s.) fəaliyyətinə ən azı 4 kvadratmetr nisbətində fərdi olaraq icazə verilir.

Ramazan ayında məscidlərdə kollektiv ibadət, cümə namazı və beş vaxt namaz qılmaq, həmçinin eyni ailənin üzvləri arasında iftar istisna olmaqla, kollektiv iftar keçirilməsi qadağan edilib.

Dini müəssisələrdə yerləşən iaşə müəssisələrinin fəaliyyəti də qadağandır.

Qərar bu gündən qüvvəyə minib.

İlahə Əhmədova

AZƏRTAC-ın xüsusi müxbiri

Nur-Sultan 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.