İQTİSADİYYAT


Ölkədə dizel yanacağı və benzin istehsalı artıb

Bakı, 21 may, AZƏRTAC

Yanvar-aprel aylarında Azərbaycanda 732,6 min ton dizel yanacağı, 406,1 min ton avtomobil benzini, 101,6 min ton neft-kimya sənayesində istifadə üçün benzin, 186,5 min ton ağ neft, 29,2 min ton yanacaq mazutu, 8,7 min ton sürtkü yağları, 79,3 min ton neft bitumu və 76,9 min ton neft koksu istehsal olunub.

Dövlət Statistika Komitəsindən AZƏRTAC-a verilən məlumata görə, 4 ayda neft məhsullarının istehsalı sahəsində istehsalın ümumi dəyəri 1 milyard 41,7 milyon manat olmaqla əvvəlki ilin eyni ayları ilə müqayisədə 5,1 faiz artıb.

Neft bitumunun istehsalı 61,2 faiz, sürtkü yağlarının istehsalı 61,1 faiz, yanacaq mazutunun istehsalı 13,6 faiz, dizel yanacağının istehsalı 7,4 faiz, avtomobil benzininin istehsalı 2,1 faiz artıb. Neft-kimya sənayesində istifadə üçün benzinin istehsalı 2,5 faiz, ağ neftin istehsalı 5,1 faiz, neft koksunun istehsalı isə 6 faiz azalıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.