DÜNYA


Ötən il Litvada dünyasını dəyişənlərin çoxu COVID-19-un qurbanı olub

Vilnüs, 30 aprel, AZƏRTAC

Ötən il Litvada 43,547 nəfər dünyasını dəyişib ki, bu da 2019-cu illə müqayisədə təxminən 5266 nəfər çoxdur. Ölüm sayının artım dinamikasına COVID-19 pandemiyasının xüsusi təsiri olub.

AZƏRTAC Litva mətbuatına istinadla xəbər verir ki, bu barədə ölkənin Gigiyena İnstitutu məlumat yayıb.

İnstitutdan verilən məlumata əsasən, ötən il həyatını itirənlərin 22,8 faizi 65 yaşdan kiçik, təxminən yarısı (47 faiz) 65-84 yaşında, üçdəbiri isə (30,2 faiz) 85 yaş və yuxarı yaşda olub.

Bildirilib ki, ölüm halları 5 əsas səbəbə görə (qan dövranı xəstəlikləri, bədxassəli törəmələr, xarici səbəblərin təsiri, COVID-19 və həzm sistemi xəstəlikləri) baş vermiş və ümumi ölüm hallarının 87,6 faizini təşkil edib.

 

Asiman Əsədov

AZƏRTAC-ın xüsusi müxbiri

Vilnüs

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.