DÜNYA


Özbəkistan XİN əfqan sərhədçiləri və yerli özünümüdafiə dəstəsinin üzvlərinin ölkə ərazisinə daxil olması ilə bağlı bəyanat yayıb

Daşkənd, 25 iyun, AZƏRTAC

Özbəkistan Xarici İşlər Nazirliyi əfqan sərhədçilərinin və yerli özünümüdafiə dəstəsinin 53 üzvünün Şortəpə dairəsindən Özbəkistan ərazisinə daxil olması ilə bağlı bəyanat yayıb.

Bəyanatda deyilir ki, Özbəkistan Əfqanıstanda və bu ölkə ilə həmsərhəd ərazilərdə hərbi-siyasi vəziyyəti diqqətlə izləyir. Özbəkistan qonşu ölkədə zorakılığın artmasından narahatdır. Ölkədə bütün münaqişə tərəflərinə gərginliyin aradan qaldırılması, mülki şəxslərə güc tətbiq etməyin və onların öldürülməsinin qarşısının alınmasına çağırır.

Bildirilir ki, 53 Əfqanıstan vətəndaşı ilə müvafiq söhbət aparıldıqdan sonra onlar öz ölkələrinə qaytarılıb.

Sənəddə qeyd olunur ki, bundan sonra da sərhədi qanunsuz keçərək Özbəkistan ərazisinə daxil olmaq istəyən sərhəd pozucuları haqqında ən sərt tədbirlər görüləcək.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.