DÜNYA


Özbəkistan və Çin ticarət dövriyyəsini ildə 10 milyard dollara çatdırmağı nəzərdən keçirir

Daşkənd, 26 aprel, АZƏRTAC

Özbəkistan Prezidenti Şavkat Mirziyoyev Çin Xalq Respublikasında keçirilən 2-ci “Bir kəmər, bir yol” beynəlxalq forumunda iştirak etmək üçün bu ölkədə işgüzar səfərdədir.

AZƏRTAC Özbəkistan Prezidentinin mətbuat xidmətinə istinadla xəbər verir ki, səfər çərçivəsində Çin Xalq Respublikasının Sədri Si Cinpin Prezident Şavkat Mirziyoyevlə görüşüb.

Görüşdə ticarət-iqtisadi, energetika, nəqliyyat-kommunikasiya, sənaye, maliyyə, kənd təsərrüfatı, beynəlxalq avtomobil və dəmir yolu xətlərinin çəkilişi, elm, mədəni-humanitar və digər sahələrdə əməkdaşlığın dərinləşdirilməsi, həmçinin Mərkəzi Asiya regionunda, o cümlədən Əfqanıstanda sülhün və sabitliyin qorunması, Özbəkistanda Çin Mədəniyyət Mərkəzinin yaradılması məsələləri müzakirə olunub.

Görüşdə qeyd edilib ki, ötən ilin ölkələr arasında ticarət dövriyyəsi 6,4 milyard dollar olub. Yaxın illərdə bu rəqəmin 10 milyard dollara çatdırılması imkanları nəzərdən keçirilib. Bildirilib ki, Çinin Özbəkistana qoyduğu sərmayə və ayırdığı kredit xətti 8 milyard dollardan artıq olub.

Şavkat Mirziyoyev Si Cinpini Özbəkistana səfərə dəvət edib.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.