DÜNYA


Özbəkistan vətəndaşı öz təşəbbüsü ilə Çinə 27 min tənzif maska aparıb

Daşkənd, 14 fevral, AZƏRTAC

Özbəkistan vətəndaşı, 28 yaşlı Muradjon Kenjebaev öz təşəbbüsü ilə fərdi qaydada Çinin Quançou şəhərinə 27 min tənzif maska aparıb.

AZƏRTAC xəbər verir ki, Çində yaşayan Özbəkistan vətəndaşı 11 gün əvvəl Daşkəndə gələrək, 12 min maska alıb və Çinə qayıdıb. Dünən isə Muradjon Kenjebaev Özbəkistana qayıdaraq daha 15 min maska aparıb.

Muradjon Kenjebaev jurnalistlərə bildirib ki, o, 6 ildir Çində yaşayır və burada xarici ticarət üzrə təhsil alır, həmçinin ərəb dilini öyrənir. O, Çini ikinci Vətəni hesab edir. Tələbə kimi Çin hökumətindən təqaüd alır.

“Çinin çətin günlərində ikinci Vətən hesab etdiyim ölkəyə kiçik də olsa, kömək etmək qərarına gəldim və düşünürəm ki, ehtiyac olarsa, yenə bu istiqamətdə iş görəcəyəm”, - deyə o qeyd edib.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.