DÜNYA


Özbəkistanla Rusiya arasında 18 sənəd imzalanıb

Daşkənd, 21 noyabr, AZƏRTAC

Özbəkistan Prezidenti Şavkat Mirziyoyev Rusiya Federasiyasında səfərdə olub.

AZƏRTAC Özbəkistan Prezidentinin mətbuat xidmətinə istinadla xəbər verir ki, görüşdə ölkələr arasında ticarət-iqtisadi, investisiya layihələri, nəqliyyat infrastrukturları, regional təhlükəsizlik, elm-təhsil, mədəni-humanitar sahədə əməkdaşlıq məsələləri müzakirə olunub.

Tərəflər Əfqanıstanda sülhün və sabitliyin tam bərpa edilməsi istiqamətində geniş fikir mübadiləsi aparıblar.

Bildirilib ki, ötən il ölkələr arasında əmtəə mübadiləsi 5,6 milyard dollar olub. Bu ilin 10 ayında bu göstərici artıq 6 milyard həcmindədir və ilin sonunadək 7 milyard dollara çatacaq.

Vurğulanıb ki, bu gün Özbəkistana qoyulan Rusiya sərmayəsinin həcmi 10 milyard dolları keçib. Bu rəqəmin 14 milyarda çatdırılması istiqamətində iş aparılır.

Görüşün yekununda prezidentlər beynəlxalq informasiya təhlükəsizliyinin təmin olunması ilə bağlı birgə bəyanat qəbul ediblər. Ölkələr arasında əməkdaşlıqla əlaqədar 18 sənəd imzalanıb.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.