DÜNYA


Pakistanda mərmər mədənində qəza nəticəsində 12 nəfər həlak olub

Bakı, 8 sentyabr, AZƏRTAC

Pakistanın şimal-qərbində mərmər mədəninin çökməsi nəticəsində ən azı 12 nəfər həlak olub, 6 nəfər xəsarət alıb, bir neçə şaxtaçı isə hələ də dağıntılar altındadır.

AZƏRTAC Geo.tv telekanalına istinadla xəbər verir ki, insident Xeybər-Pahtunhva əyalətinin Mohmand dairəsində qeydə alınıb. Hazırda hadisənin baş verdiyi ərazidə xilasedicilər fəaliyyət göstərir. Onlar mədəndən 12 nəfərin cəsədini və 6 yaralını çıxarmağa müvəffəq olublar. Dağıntılar altında qalan doqquz şaxtaçının taleyi barədə hələ ki, məlumat yoxdur, onların axtarışı davam edir.

Yerli polis idarəsinin nümayəndəsi hadisə nəticəsində ölənlərin sayının artacağını istisna etmir. Bu səbəbdən axtarış əməliyyatına xüsusi texnikanın cəlb olunması və insidentin baş verdiyi əraziyə əlavə xilasedici dəstələrin göndərilməsi planlaşdırılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.