QAN YADDAŞI


Panamanın internet jurnalı Xocalı soyqırımından yazıb

Vaşinqton, 12 mart, AZƏRTAC

Panamanın “Panama Revista” internet jurnalında Xocalı soyqırımı haqda yerli jurnalistlər Federiko Muinya və Hektor Barrosun müəllifi olduğu “24 saat kifayət edir” başlıqlı məqalə dərc olunub.

AZƏRTAC xəbər verir ki, məqalədə 1992-ci ilin 26 fevral tarixində Ermənistan silahlı qüvvələri tərəfindən Xocalıda törədilmiş soyqırımı haqda məlumat verilir, bu amansız qətliam zamanı azyaşlı uşaqlar və qadınlar da daxil olmaqla 613 nəfər mülki azərbaycanlının xüsusi qəddarlıqla qətlə yetirildiyi, yüzlərlə insanın yaralandığı və itkin düşdüyü bildirilir.

Dinc əhaliyə qarşı törədilmiş bu amansız qətliamın Xocalını əhalisi ilə birlikdə yer üzündən tamamilə silmək məqsədi daşıdığı deyilir və Ermənistanın keçmiş prezidenti, soyqırımının başlıca təşkilatçılarından olan Serj Sarkisyanın erməni tərəfinin Xocalıdakı cinayətlərinə dair etirafları qeyd olunur.

Xocalıda törədilmiş qətliamın soyqırımı xarakteri daşıdığı vurğulanır və bu faciənin bir sıra dövlətlər, o cümlədən Kolumbiya, Meksika parlamentləri, habelə İslam Əməkdaşlıq Təşkilatı tərəfindən rəsmi qaydada tanındığı məlumat verilir.

Yazıda, həmçinin faciənin canlı şahidi olmuş, əsir düşmüş və sağ qalmış soydaşlarımızın ağrılı xatirələrindən sitatlar gətirilir.

AZƏRTAC-ın Vaşinqton bürosu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.