DÜNYA


Paris polisindən dəqiqləşdirmə: partlayış nəticəsində iki yanğınsöndürən ölüb

Bakı, 12 yanvar, AZƏRTAC

Fransa paytaxtının polis prefekturası Parisdə baş vermiş partlayış qurbanlarının sayı barədə məlumatı dəqiqləşdirib.

AZƏRTAC xəbər verir ki, France İnfo radiostansiyasının yaydığı yenilənmiş məlumata görə, hadisə nəticəsində iki yanğınsöndürən həlak olub.

Bir qədər əvvəl Fransanın daxili işlər naziri Kristof Kastaner partlayış nəticəsində dörd nəfərin öldüyünü, onlardan ikisinin yanğınsöndürən olduğunu bildirmişdi. Paris polis prefekturasının dəqiqləşdirməsinə əsasən, partlayış qurbanları arasında mülki şəxslər yoxdur.

Xatırladaq ki, partlayış bu gün səhər yerli vaxtla saat 9:00 radələrində Parisin Treviz küçəsində baş verib. Nəticədə bina yanıb, həmçinin yaxınlıqdakı tikililərə ziyan dəyib. Hadisə yerində xilasetmə xidmətləri işləyir.

İlkin məlumata görə, partlayışa qaz sızması səbəb olub. Hadisənin “sarı jiletlilər”in bu gün keçirilən növbəti etiraz aksiyası ilə heç bir əlaqəsinin olmadığı bildirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.