DÜNYA


Parisdə “Məryəm Ana” katedralının ətrafında yaşıllıq zolağının salınması layihəsi belçikalı dizaynerə həvalə edilib

Paris, 28 iyun, AZƏRTAC

2019-cu ildə yanmış Paris “Məryəm Ana” (Notr-Dam) katedralının ətrafında yaşıllıq zolağının salınması və katedralın fasadının daha da cəlbedici olması üçün layihənin həyata keçirilməsi belçikalı landşaft dizayneri Bas Smetsin rəhbərlik etdiyi heyət seçilib.

AZƏRTAC yerli mətbuata istinadla xəbər verir ki, Paris katedralının ətrafında bitki örtüyünün artırılacağı, yeni 131 ağac əkiləcəyi bildirilir. Məqsəd iqlim dəyişikliyi və yüksək temperaturun öhdəsindən gəlmək və ziyarətçilərin katedralı rahat ziyarət etməsini təmin etməkdir. Layihə 2027-ci ildə katedralda tikinti işləri başa çatanda təhvil veriləcək.

Katedralın ətrafında bərpa işləri layihəsinin reallaşdırılması üçün Paris şəhəri 50 milyon avro ayırıb. Bu büdcə ilə 2024-cü ilin ikinci yarısınadək katedralın ətrafında yenidənqurma işləri yekunlaşacaq.

Şəhla Ağalarova

AZƏRTAC-ın xüsusi müxbiri

Paris 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.