ELM VƏ TƏHSİL
Paytaxt məktəblərində Bilik günü qeyd edilib
![](/files/galleryphoto/2017/3/1200x630/15054633282046419981_1200x630.jpg)
![](/files/galleryphoto/2017/3/1200x630/1505463328260318134_1200x630.jpg)
![](/files/galleryphoto/2017/3/1200x630/15054633286118121731_1200x630.jpg)
![](/files/galleryphoto/2017/3/1200x630/15054633281734462506_1200x630.jpg)
![](/files/galleryphoto/2017/3/1200x630/15054633281688744201_1200x630.jpg)
Bakı, 15 sentyabr, AZƏRTAC
Bu gün paytaxtın ümumtəhsil məktəblərində Bilik günü münasibətilə silsilə tədbirlər təşkil olunub.
AZƏRTAC xəbər verir ki, tədbirlərdə Bakı Şəhəri üzrə Təhsil İdarəsinin (BŞTİ) rəhbərliyi, struktur bölmə rəhbərləri, yerli icra hakimiyyəti orqanlarının, məktəb icmalarının və ictimaiyyətin nümayəndələri iştirak ediblər.
Mərasimdə müəssisə rəhbərləri çıxış edərək yeni tədris ilində qarşıya qoyulan məqsədlərdən söz açıb, məktəb məzunlarının qəbul imtahanlarında göstərdikləri uğurlardan bəhs ediblər.
Bilik günündə iştirak edən BŞTİ-nin nümayəndələri və qonaqlar yeni dərs ilinin başlanması münasibətilə məktəbliləri, valideynləri və müəllimləri təbrik edib, onlara uğurlar arzulayıblar.
Sonra məktəblilərin iştirakı ilə mahnılar və rəqslərdən ibarət konsert proqramı nümayiş etdirilib.
Qeyd edək ki, yeni tədris ilində BŞTİ-nin tabeliyində fəaliyyət göstərən ümumtəhsil müəssisələrində ümumilikdə 395 773 şagird təhsil alacaq.