İDMAN


“Pekin-2022” Qış Olimpiya Oyunlarına gələn insanlar arasında 23 yeni koronavirusa yoluxma halı aşkarlanıb

Bakı, 27 yanvar, AZƏRTAC

Çin hökuməti “Pekin-2022” Qış Olimpiya Oyunlarına gələn insanlar arasında 23 yeni koronavirusa yoluxma halı aşkarlayıb.

AZƏRTAC xəbər verir ki, bu barədə Təşkilat Komitəsi məlumat yayıb.

Qeyd edilib ki, yanvarın 26-da Çinə gələn 351 nəfərdən 15-də yoluxma halı müəyyən edilib. Olimpiadaya əvvəllər gələnlər arasında isə daha 8 nəfərin koronavirusa yoluxduğu aşkarlanıb.

Azərbaycan “Pekin-2022”də fərdi fiqurlu konkisürmə idman növündə iki idmançı ilə təmsil olunacaq. Dördilliyin zirvə yarışında idmançılarımızdan Yekaterina Ryabova və Vladimir Litvintsev mübarizə aparacaqlar. Azərbaycan komandasının bayraqdarı Vladimir Litvintsev olacaq.

Olimpiya Oyunları fevralın 4-dən 20-dək Pekində keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.