İDMAN


Polis əməkdaşı kempo üzrə dünya çempionatında ikinci olub

Bakı, 11 may, AZƏRTAC

Bakı Şəhər Baş Polis İdarəsinin Dövlət Yol Polis İdarəsinin axtarış bölməsinin inspektoru, polis baş leytenantı Vüsal Qələndərov kempo üzrə XVI dünya çempionatında və dünya kubokunda uğurla çıxış edib.

Daxili İşlər Nazirliyinin mətbuat xidmətindən AZƏRTAC-a bildiriblər ki, İspaniyanın Qvadalaxara şəhərində keçirilən çempionatda 67 ölkədən 1300 idmançı mübarizə aparıb. Kempo yığma komandamız çempionata 7 idmançı və 2 məşqçi ilə qatılıb. Komandamızın üzvü Vüsal Qələndərov nokdaun versiyasında kişilər arasında 95 kiloqram çəki dərəcəsində ikinci yeri tutub.

İdmançılarımız ümumi hesabda üç qızıl və dörd gümüş medalla Vətənə qayıdıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.