SİYASƏT


Polşa saytında Vətən müharibəsindən bəhs edən məqalə yerləşdirilib

Bakı, 27 sentyabr, AZƏRTAC

Polşanın https://trybuna.info xəbər saytında Polşa Azərbaycanlıları Şurasının rəhbəri Fərid Cəfərlinin “27 sentyabr – Anım Günü” sərlövhəli məqaləsi yerləşdirilib.

Diasporla İş üzrə Dövlət Komitəsindən AZƏRTAC-a bildiriblər ki, məqalədə hər bir dövlətin ərazi bütövlüyü toxunulmaz olduğu nəzərə çatdırılıb. “Təəssüf ki, hələ də qonşularının ərazi bütövlüyünə hörmət etməyən, öz suveren ərazisi ilə kifayətlənməyən və daim qonşularına ərazi iddiaları irəli sürən dövlətlər var. Azərbaycan da belə bir qonşu ilə qarşılaşdı”.

Müəllif son 30 ilə yaxın zamanda Ermənistanın qonşu Azərbaycan dövlətinə qarşı yürütdüyü işğalçı və təcavüzkar siyasətinin tarixi, BMT-nin qətnamələrinə baxmayaraq, işğal etdiyi Qarabağ bölgəsini tərk etməkdən imtinası, 2020-ci ildə bir sıra hərbi təxribatlara yol verərək 44 günlük Vətən müharibəsinə səbəb olduğu və sair barədə müfəssəl məlumat verib.

Qeyd edilib ki, şəhid olmuş qəhrəmanlarımızın, əsgər və zabitlərimizin qanı və canı bahasına işğal olunmuş torpaqlarımız azad edilib. “Azərbaycan hər zaman oğul və qızlarının şücaətini yüksək qiymətləndirir, bütün şəhidlərin ruhuna və xatirəsinə hörmət edir. Hər il sentyabrın 27-də Azərbaycan Respublikasında ölkəmizin ərazi bütövlüyü naminə canlarından keçən, azad edilmiş torpaqlarımızda Azərbaycan bayrağını ucaldan əsgər və zabitlərimizin şərəfinə Anım Günü qeyd olunacaq”, - deyə müəllif vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.