REGİONLAR


Prezident 27 şəhər və rayonda 436 çoxmənzilli binanın dam örtüyünün təmirinə 21 milyon manatdan çox vəsait ayırıb

Bakı, 4 oktyabr, AZƏRTAC

Prezident İlham Əliyev oktyabrın 4-də “Azərbaycan Respublikasının şəhər və rayonlarında çoxmənzilli binaların dam örtüklərinin təmiri ilə bağlı əlavə tədbirlər haqqında” Sərəncam imzalayıb.

AZƏRTAC xəbər verir ki, “Azərbaycan Respublikasının 2018-ci il dövlət büdcəsi haqqında” Azərbaycan Respublikası Qanununun tətbiqi ilə bağlı bir sıra məsələlər barədə” Azərbaycan Respublikası Prezidentinin 2017-ci il 25 dekabr tarixli Fərmanının 1.14.3.3.9-cu (islahatlarla bağlı xərclər) yarımbəndində nəzərdə tutulan vəsaitin 21 milyon 194 min 760 manatı 436 çoxmənzilli binanın dam örtüyünün təmiri məqsədi ilə Azərbaycanın 27 şəhər və rayonunun icra hakimiyyətlərinə ayrılıb.

Sərəncama əsasən, Gəncə (148 bina), Şirvan (72 bina), Sumqayıt (59 bina), Mingəçevir (56 bina), Şəki (25 bina), Lənkəran (11 bina), Şəmkir, Xaçmaz (hər birində 10 bina), Cəlilabad (8 bina), İmişli, Qazax (hər birində 5 bina), Bərdə, Daşkəsən, Göyçay (hər birində 3 bina), Ağdaş, Ağsu, Kürdəmir, Quba, Salyan (hər birində 2 bina), Yevlax, Astara, Biləsuvar, Neftçala, Samux, Siyəzən, Şabran və Şamaxıda (hər birində 1 bina) çoxmənzilli binaların dam örtüyü təmir ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.