SİYASƏT
Qaçqınların və Məcburi Köçkünlərin İşləri üzrə Dövlət Komitəsinin mətbuat xidmətinin məlumatı
Azərbaycan Respublikasının Prezidenti İlham Əliyevin “Məcburi köçkünlər və onlara bərabər tutulan şəxslər üçün vahid aylıq müavinətin müəyyən edilməsi haqqında” 2017-ci il 23 yanvar tarixli Fərmanı məcburi köçkünlər tərəfindən onların sosial müdafiəsinin gücləndirilməsi istiqamətində həyata keçirilən növbəti uğurlu addım kimi yüksək qiymətləndirilir. Kütləvi informasiya vasitələrində gedən müzakirələr, səslənən fikirlər, Dövlətqaçqınkoma edilən çoxsaylı yazılı və şifahi müraciətlər bunu bir daha təsdiqləyir.
Komitəyə müraciət etmiş bəzi məcburi köçkünlər öz ailələrini dolandırmaq imkanına malik olduqlarını, sahibkarlıq fəaliyyəti ilə məşğul olduqlarını, yüksək vəzifələrdə çalışdıqlarını əsas gətirərək vahid aylıq müavinətdən könüllü olaraq imtina etdiklərini bildirir və bu vəsaitin daha ağır vəziyyətdə yaşayan soydaşlarımıza verilməsini, həmçinin aylıq müavinətin məbləğinin gələcəkdə artırılmasına yönəldilməsini təklif edirlər.
Dövlətqaçqınkoma əraziləri işğal olunmuş 10 rayondan bu günədək 300-dən çox belə müraciət daxil olub. Hər rayondan bir müraciəti nümunə olaraq təqdim edirik.