İDMAN


“Qarabağ” komandası “Sumqayıt”ın qapısından iki cavabsız top keçirib

Bakı, 3 noyabr, Nicat Məmmədov, AZƏRTAC

Noyabrın 3-də Azərbaycan Premyer Liqasının 10-cü turunun növbəti oyununda “Qarabağ” və “Sumqayıt” komandaları qarşılaşıblar.

AZƏRTAC xəbər verir ki, Tofiq Bəhramov adına Respublika stadionunda keçirilən oyun ağdamlıların 2:0 hesablı qələbəsi ilə başa çatıb. Ağdam təmsilçisinin heyətində Simon Slavçev (25), Con Delarj (57) fərqləniblər.

Bu qələbədən sonra xal ehtiyatını 25-ə çatdıran “Qarabağ” ikinci sıradakı mövqeyini qoruyub. Sumqayıtlılar isə 11 xalla 5-ci yerdə qərarlaşıblar.

Xatırladaq ki, Ağdam təmsilçisinin ev oyunlarını keçirdiyi “Azərsun Arena”nın işıqlandırma sistemində problem yarandığından görüş Respublika Stadionunda keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.