REGİONLAR


Qaxda soya istehsalı 3 dəfədən çox artıb

Qax, 30 oktyabr, Mustafa Dadaşov, AZƏRTAC

Bu il Qax rayonunun fermerləri 82 hektar sahədə soya yetişdiriblər. Soya əkini sahələri əvvəlki illə müqayisədə 32 hektar artıb. Təsərrüfatlarda soya yığımı artıq başa çatıb. Cari mövsümdə fermerlər sahələrdən 223,2 ton məhsul tədarük ediblər. Soya istehsalı əvvəlki illə müqayisədə 3 dəfədən çox artıb. Hər hektarın məhsuldarlığı ötən ilə nisbətən 2 dəfəyə yaxın artaraq 27,2 sentner olub.

Bu barədə AZƏRTAC-ın bölgə müxbirinə rayon icra hakimiyyəti aparatının baş məsləhətçisi Malik Həmzəyev məlumat verib.

Qurumun təmsilçisinin bildirdiyinə görə, rayonda soya yetişdirilməsinə ötən ildən başlanılıb. 2017-ci ildə qaxlı fermerlər ilk dəfə əkdikləri 50 hektar soya sahəsindən 71,7 ton məhsul götürüblər.

Hazırda Qax rayonunun təsərrüfatlarında tütün yığımı da mütəşəkkil qaydada davam etdirilir. İndiyədək sahələrdən 5217 ton yaşıl tütün kütləsi tədarük olunaraq emal məntəqəsinə təhvil verilib. Eyni zamanda, bu günədək rayonda 595 ton quru tütün istehsal olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.