CƏMİYYƏT


Qazax sakinində narkotik maddə və silah aşkarlanıb

Bakı, 18 yanvar, AZƏRTAC

Nəqliyyatda Baş Polis İdarəsinin narkotiklərlə mübarizə və Dəmir Yolu Nəqliyyatında Polis İdarəsinin Gəncə stansiyasının xətt polis şöbələri əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz narkotik vasitə saxlamaqda və gəzdirməkdə şübhəli bilinən Qazax şəhər sakini Afiq Məmmədov saxlanılıb.

Daxili İşlər Nazirliyinin mətbuat xidmətinin Gəncə regional qrupundan AZƏRTAC-a bildiriblər ki, onun üzərində axtarış aparılan zaman 455 qram qurudulmuş marixuana aşkar edilərək götürülüb.

Afiq Məmmədovla bağlı aparılan istintaq-əməliyyat tədbirləri nəticəsində onun Qazax şəhəri ərazisindəki qəbiristanlıqda odlu silah gizlətməsi də məlum olub. Polis əməkdaşları həmin ərazidən istifadəyə yararlı “AKM-72” markalı avtomat və dörd patron aşkarlayaraq götürüblər.

Həmin maddi sübutlar ekspertizaya təqdim olunub.

Faktla bağlı cinayət işi başlanıb, araşdırmalar davam etdirilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.