DÜNYA


Qazaxıstanda tranzit yükdaşımaları artıb

Nur-Sultan, 26 oktyabr, AZƏRTAC

Qazaxıstanda bu ilin yanvar-sentyabr aylarında tranzit yükdaşımalar əvvəlki ilin müvafiq dövrü ilə müqayisədə 2,4 faiz artaraq 17,5 milyon tona çatıb.

AZƏRTAC xəbər verir ki, Qazaxıstanın Sənaye və İnfrastrukturun İnkişafı Nazirliyi 9 ay ərzində ölkənin tranzit yükdaşımaları barədə məlumat yayıb.

Ölkə sərhədləri üzərindən daşınan tranzit yüklərin 15,6 milyon tonu dəmir yolu ilə həyata keçirilib.

Göstərilən müddət ərzində ümumilikdə 795,2 min yük konteyneri dəmir yolu vasitəsilə daşınıb. Xüsusilə, Çin-Avropa-Çin marşrutu ilə daşınan tranzit yüklərin sayı 40 faiz artaraq 622 min konteyner təşkil edib.

2021-ci ildə Qazaxıstanda ümumi tranzit yükdaşımalarının 25,3 milyon ton və ya 969 min konteyner olacağı gözlənilir.

İlahə Əhmədova

AZƏRTAC-ın xüsusi müxbiri

Nur-Sultan 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.