DÜNYA


Qazaxıstanda xarici ölkə vətəndaşlarının qeydiyyatsız qalma müddəti uzadılıb

Nur-Sultan, 18 yanvar, AZƏRTAC

Qazaxıstanda xarici ölkə vətəndaşlarının qeydiyyatı qaydalarında dəyişiklik olunub.

AZƏRTAC xəbər verir ki, bu barədə Miqrasiya Xidməti Komitəsinin sədr müavini Sabırjan Seytjanov bildirib.

Koronavirusun yayılmasının qarşısının alınması üzrə İdarələrarası Komissiya vizaları, səyahət sənədləri və qeydiyyat müddəti bitmiş əcnəbilərin və vətəndaşlığı olmayan şəxslərin Qazaxıstanda qalma müddətini 2021-ci il iyunun 5-dək uzadıb.

COVID-19 pandemiyası ilə əlaqədar birbaşa nəqliyyat əlaqələrinin olmaması, tranzit sərhədlərin bağlanması, təyyarə biletlərinin yüksək qiymətləri - bütün bu amillər qanuna tabe olan xarici vətəndaşların əksəriyyətinin vaxtında Qazaxıstandan çıxmasına mane olur.

Mövcud vəziyyəti nəzərə alaraq qeyd etmək lazımdır ki, ölkəni tərk edən xarici vətəndaşlar inzibati məsuliyyətə cəlb olunmayacaqlar.

Xatırladaq ki, Qazaxıstanda COVID-19 virusunun yayılmasının qarşısının alınması istiqamətində məhdudlaşdırıcı tədbirlər çərçivəsində Fövqəladə vəziyyət rejiminin təmin edilməsi üzrə Prezident yanında Dövlət Komissiyası mart ayında ölkədəki əcnəbilərin vizalarının və iş icazələrinin müddətinin uzadılması barədə qərar qəbul etmişdi.

İlahə Əhmədova

AZƏRTAC-ın xüsusi müxbiri

Nur-Sultan 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.