İDMAN


Qazaxıstanlı gimnast: Milli Gimnastika Arenası möhtəşəmliyi ilə insanı valeh edir

Bakı, 16 fevral, AZƏRTAC

Batut yarışlarında fərdi proqramda çıxışım uğurlu alınmadı. Proqramı yerinə yetirərkən etdiyim səhvlər aldığım xalda özünü göstərdi. Milli Gimnastika Arenasında çıxış etməkdən həzz alıram. Çünki bu arena möhtəşəmliyi ilə insanı valeh edir.

Bu sözləri Bakıda keçirilən batut gimnastikası və tamblinq üzrə Dünya Kuboku yarışlarının qazaxıstanlı iştirakçısı Pirməhəmməd Əliyev AZƏRTAC-a müsahibəsində deyib.

Dünya Kubokundan əvvəl Bakıda ikihəftəlik təlim-məşq toplanışında iştirak etdiyini diqqətə çatdıran gimnast hazırlıq prosesində Azərbaycan Gimnastika Federasiyası tərəfindən onlar üçün hər cür şəraitin yaradıldığını qeyd edib. Bunun üçün Azərbaycan Gimnastika Federasiyasına öz təşəkkürünü bildirən atlet deyib: “Fərdi proqramda uğursuz çıxışıma görə narahat deyiləm. Qarşıda sinxron proqramda gücümü sınayacağam. Əzmkarlıq nümayiş etdirib finala vəsiqə qazanacağıma ümid edirəm”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.