DÜNYA


Qırğızıstanla TürkPA arasında əlaqələrin dərinləşdirilməsi məsələləri müzakirə olunub

Bişkek, 9 fevral, АZƏRTAC

Qırğızıstan Prezidenti Sooronbay Jeenbekov Türkdilli Ölkələrin Parlament Assambleyasının (TürkPA) baş katibi Altınbek Mamayusupovu qəbul edib.

AZƏRTAC Qırğızıstan Prezidenti Aparatının informasiya siyasəti şöbəsinə istinadla xəbər verir ki, görüşdə tərəflər arasında əlaqələrin daha da dərinləşdirilməsi istiqamətində geniş fikir mübadiləsi aparılıb.

Qırğızıstan Prezidenti Altınbek Mamayusupovu bu vəzifəyə seçilməsi münasibətilə təbrik edib və bildirib ki, türkdilli dövlətlər arasında parlamentlərarası əməkdaşlıq və çoxtərəfli münasibətlər daha da inkişaf edərək yüksək səviyyəyə çatıb.

Baş katib rəhbərlik etdiyi təşkilatın fəaliyyəti haqqında söhbət açıb, türkdilli dövlətlər arasında əlaqələrin yüksək dinamika ilə inkişaf etdiyini, parlamentlərarası əlaqələr sahəsində aktiv iş aparıldığını vurğulayıb.

Deyilib ki, TürkPA-nın iqtisadi, beynəlxalq, sosial-humanitar və ətraf mühitin mühafizəsi və təbii ehtiyatlar komissiyaları əlaqələrin daha da inkişafı istiqamətində böyük iş aparırlar və birgə fəaliyyət öz bəhrəsini verir.

Qulu Kəngərli

AZƏRTAC-ın xüsusi müxbiri

Bişkek

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.