İDMAN


Qrizmann “Barselona”ya keçmək xatirinə məvacibinin azaldılmasına razılaşacaq

Bakı, 10 may, AZƏRTAC

Madridin “Atletiko” futbol klubunun hücumçusu Antuan Qrizmann “Barselona”ya keçmək xatirinə məvacibinin azaldılmasına razılaşacaq.

AZƏRTAC xəbər verir ki, “Barsa”nın rəhbərliyi 28 yaşlı fransız hücumçunu cəlb etmək ideyasından imtina etməyib. İspaniya klubu ilə futbolçu arasında, demək olar ki, razılıq əldə edilib. Bildirilir ki, Qrizmann dörd ildən beş ilə qədər müddətə müqavilə imzalayacaq, onun illik məvacibinin məbləği isə indiki 23 milyon avro ilə müqayisədə əhəmiyyətli dərəcədə azalacaq. Fransız futbolçu üçün dəbbə pulunun məbləği 120 milyon avroya bərabərdir.

“Atletiko”nun prezidenti Enrike Sereso bu il aprel ayında bildirmişdi ki, Qrizmann növbəti mövsümdə klubda qalacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.