REGİONLAR


Quba şəhərində yeni park salınıb VİDEO

Quba, 3 avqust, Elxan Yusifli, AZƏRTAC

Quba şəhərində salınan yeni park tezliklə sakinlərin istifadəsinə veriləcək.

AZƏRTAC-ın bölgə müxbiri xəbər verir ki, şəhərin giriş hissəsində salınan parkda hazırda son tamamlama işləri görülür. Tezliklə parkda uşaq əyləncə mərkəzinin, müxtəlif attraksionlar, oturacaqlar və işıqlandırma sisteminin quraşdırılması başa çatdırılacaq.

Altı min kvadratmetr ərazidə salınan parkda rayon sakinlərinin, eləcə də Qubaya gələn turistlərin asudə vaxtının səmərəli təşkili üçün hər cür şərait yaradılacaq.

Parkda tikinti işlərinə bu ilin yanvar ayından başlanılıb. Park ərazisində 1200 kvadratmetr ərazidə dekorativ kol və ağaclardan ibarət yaşıllıq salınacaq.

Tikinti işləri avqustun sonunadək yekunlaşacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.