REGİONLAR


Qubalı məktəblilər polis şöbəsinin qonağı olub

Quba, 12 iyun, Elxan Yusifli, AZƏRTAC

Qubalı məktəblilər rayon polis şöbəsində (RPŞ) polis əməkdaşlarının xidməti ilə tanış olublar.

AZƏRTAC-ın bölgə müxbiri xəbər verir ki, “Yol polisimizlə bir gün” adlı tədbir çərçivəsində şagirdlər xidməti avtomobillər, xüsusi texniki vasitələr və avadanlıqlar haqqında məlumatlandırılıb, xidməti ərazidə ictimai təhlükəsizliyin və ictimai-asayişin təmin olunması barədə görülən işlərdən danışılıb.

Məktəblilərə izah olunub ki, növbətçi hissədə polisə edilən müraciətlərə təxirəsalınmaz və operativ yanaşılır, onlara baxılması üçün lazımi tədbirlər görülür.

Daha sonra məktəblilərlə polislərin söhbəti çay süfrəsi arxasında davam edib.

Bu tanışlıq məktəblilər tərəfindən böyük maraqla qarşılanıb və onları maraqlandıran çoxsaylı suallar cavablandırılıb.

Tədbirin sonunda məktəblilərə polislər tərəfindən hədiyyələr təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.