DÜNYA


“Queen Elizabeth” təyyarədaşıyan gəmisi rəsmən Britaniya donanmasına daxil edilib

Bakı, 7 dekabr, AZƏRTAC

Dekabrın 7-də Böyük Britaniyanın ən iri, müasir və ən bahalı təyyarədaşıyan gəmisi olan “Queen Elizabeth” rəsmən Krallığın Hərbi Dəniz Qüvvələrinin tərkibinə daxil edilib.

AZƏRTAC TASS informasiya agentliyinə istinadla xəbər verir ki, təntənəli mərasim Portsmut hərbi bazasında 3,7 min qonağın iştirakı ilə keçirilib.

Mərasimdə, həmçinin kraliça II Elizabet də iştirak edib. 91 yaşlı kraliçanın Britaniya donanmasının flaqmanının göyərtəsinə rahat qalxması üçün xüsusi lift quraşdırılıb. Kraliça öz çıxışında təyyarədaşıyan gəminin yaxın onilliklər boyu dənizlərdə Britaniya gücünün göstəricisi olacağını deyib.

Qeyd edək ki, göyərtəsində 40 təyyarə və 1600 ekipaj üzvünü daşıya bilən “Queen Elizabeth” gəmisinin tikintisi 8 il davam edib və 3,1 milyard funt-sterlinqə (4,1 milyard dollar) başa gəlib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.