İDMAN


Rafael Ağayev: Qarşıdakı yarışlarda yalnız qızıl medal uğrunda mübarizə aparacağam

Bakı, 17 avqust, Leyla Qurbanova, AZƏRTAC 

Bu il bir sıra nüfuzlu turnirlərdə iştirak etmişəm. Onların biri istisna olmaqla hamısından medalla qayıtmışam. Yalnız bir turnirdə medal qazana bilmədim. A seriyası turnirinin İstanbul mərhələsində bir-birinin ardınca iki döyüşdə aldığım zədələr səbəbindən beşinci döyüşü yarımçıq qoydum. Artıq bərpa prosesi başa çatıb. Qarşıda bizi Karate 1 Premyer Liqa turnirləri gözləyir. Sentyabrın birinci yarısında Tokioda keçiriləcək Premyer Liqa turnirinə tam hazır olmasam da, düşünürəm ki, oktyabr-noyabr aylarında Moskva və Madriddə keçiriləcək Premyer Liqa turnirlərində potensialımdan maksimum istifadə edə biləcəyəm.

Bu sözləri dəfələrlə dünya və Avropa çempionu olan karateçi Rafael Ağayev AZƏRTAC-a müsahibəsində deyib.

İdmançı gələn ilin karateçilər üçün xüsusilə çətin keçəcəyini bildirərək deyib: “2020-ci il karateçilərimiz üçün xüsusilə çətin keçəcək. 2020-ci ildə Tokio Yay Olimpiya Oyunlarına qədər idmançılarımız özlərini dünya çempionatında, daha sonra Bakıda keçiriləcək Avropa çempionatında sınayacaqlar. Bu yarışların hər birində qızıl medal üçün mübarizə aparacağam”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.