İDMAN


Respublika Şahmat Mərkəzində 16 yaşadək uşaqlar arasında beynəlxalq reytinq turniri keçiriləcək

Bakı, 5 yanvar, AZƏRTAC

Yanvarın 14-dən 22-dək Respublika Şahmat Mərkəzində 16 yaşadək uşaqlar arasında beynəlxalq reytinq turniri keçiriləcək.

AZƏRTAC xəbər verir ki, bu barədə turnirin təşkilatçısı, Bakı Şəhər Gənclər və İdman Baş İdarəsinin şahmat idman növü üzrə koordinator-kuratoru Salman Əbdülov məlumat verib.

“Azərbaycan Şahmat Federasiyasının təkliflərinə əsasən, 1-ci dərəcə uğrunda keçirilən yarışların sayı azaldılaraq tədricən beynəlxalq reytinq turnirlərinin təşkilinə önəm veriləcək. Belə ki, artıq 16 yaşadək (2003-cü il təvəllüdlü və daha kiçik yaşlı) gənclər arasında beynəlxalq reytinq turnirlərinin ardıcıl olaraq keçirilməsi prosesinə start verilib. Bu yarışlara istənilən dərəcəli idmançıların buraxılması nəzərdə tutulub. Məqsəd iştirakçıların erkən yaşlardan beynəlxalq əmsala malik olmaları və şahmat ustalıqlarını daim artırmalarıdır. Bu yarışlarda dərəcə hesablanmayacaq”, - deyə S.Əbdülov qeyd edib.

Turnirə qatılmaq istəyənlər yanvarın 13-dək Respublika Şahmat Mərkəzinə müraciət edərək qeydiyyatdan keçməlidirlər.

Doqquz turdan ibarət olacaq yarışın nəticələri beynəlxalq reytinqlərin hesablanması üçün FIDE-yə göndəriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.