ELM VƏ TƏHSİL


Respublika birincisi: Bakı Ali Neft Məktəbinin rəqibi yoxdur

Bakı, 2 iyun, AZƏRTAC

Magistraturaya qəbul imtahanlarında ən yüksək bal toplayaraq respublika birincisi olan Vüsal Kərimov Bakı Ali Neft Məktəbinin neft-qaz mühəndisliyi ixtisası üzrə V kursunda təhsil alır.

BANM-dən AZƏRTAC-a bildirilib ki, qəbul imtahanın birinci turunda 88 bal toplayan V.Kərimovun seçimi Bakı Ali Neft Məktəbinin Yataqların işlənməsi və idarə olunması ixtisası olacaq. O vurğulayıb ki, bu, hazırda təhsil aldığı ixtisasa uyğundur və həmin ixtisasın tədrisində Bakı Ali Neft Məktəbinin rəqibi yoxdur. Elə buna görə də V.Kərimov xaricdə təhsil almaq üçün heç bir cəhd etməyib. O düşünür ki, Bakı Ali Neft Məktəbi təhsilə görə digər xarici universitetlərdən geri qalmır.

V.Kərimov qeyd edib ki, magistraturaya hazırlaşmağında Bakı Ali Neft Məktəbində 5 il ərzində əldə etdiyi təhsilin, seçdiyi kursun və müəllimlərinin əməyi böyük olub.

Vüsal Kərimov 1999-cu ildə Bakıda anadan olub və 107 saylı tam orta məktəbi bitirib. O, bakalavr pilləsi üzrə də qəbul imtahanında yüksək bal - 662 bal toplayaraq Bakı Ali Neft Məktəbinin neft-qaz mühəndisliyi ixtisasına qəbul olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.