CƏMİYYƏT


Reza Deqati vaxtilə Şuşada çəkdiyi fotonu paylaşıb

Bakı, 24 sentyabr, AZƏRTAC

Dünya şöhrətli fotojurnalist Reza Deqati vaxtilə Şuşada çəkdiyi fotonu instaqram səhifəsində paylaşıb.

AZƏRTAC xəbər verir ki, paylaşımda deyilir: “Mən Şuşadan çıxan son jurnalist idim və mühasirədə olan şəhər düşmənin əlinə keçməmiş oranı tərk etməli idim.

Birinci Qarabağ müharibəsini işiqlandırmağa başlayandan bir ay sonra başa düşdüm ki, Azərbaycanın peşəkar ordusu yoxdur, döyüşçülərin bir çoxu könüllü və ya polis olublar.

Vəziyyət çox gərgin, itkilər isə çox olsa da, işlərini tərk edərək Azərbaycanın hər yerindən Qarabağı müdafiə etmək üçün gələnlərin yüksək əhval-ruhiyyəsi məni heyrətləndirdi. Bir gün skripkasını cəbhəyə gətirən bu virtuoz skripkaçı ilə tanış oldum. Skripka mərmi atəşi ilə məhv edildi, ancaq o, alətin çubuğunu saxladı və bəzi melodiyaları ifa etmək üçün kalaşnikovdan istifadə edirdi”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.