Rusiya Prezidentinin Türkiyəyə səfəri ilə bağlı hələlik qərar qəbul edilməyib

Moskva, 30 mart, AZƏRTAC

Rusiya Prezidenti Vladimir Putinin Türkiyəyə səfəri ilə bağlı hələlik dəqiq qərar qəbul edilməyib.

AZƏRTAC xəbər verir ki, bu barədə Kremlin mətbuat katibi Dmitri Peskov jurnalistlərə məlumat verib.

O bildirib ki, aprelin 27-də Türkiyədə “Akkuyu” atom elektrik stansiyasının açılış mərasimində V.Putinin iştirakının formatı müzakirə olunur. Onun Türkiyəyə səfər edəcəyi, yaxud açılışa videokonfrans vasitəsilə qatılacağı hələlik məlum deyil.

D.Peskov “Akkuyu” AES-in inşasının Rusiya-Türkiyə münasibətlərində əhəmiyyətli rol oynadığını qeyd edib.

Xatırladaq ki, Türkiyə Prezidenti Rəcəb Tayyib Ərdoğan aprelin 27-də “Akkuyu” AES-ə nüvə yanacağının doldurulması mərasimində V.Putinin iştirak edə biləcəyini demişdi.

Fəridə Abdullayeva

AZƏRTAC-ın xüsusi müxbiri

Moskva