DÜNYA


Rusiyada əcnəbi vətəndaşların yol hərəkəti qaydalarını pozmasına görə nəzərdə tutulan cəza sistemi təkmilləşdiriləcək

Moskva, 8 noyabr, AZƏRTAC

Rusiya Daxili İşlər Nazirliyi əcnəbi vətəndaşların yol hərəkəti qaydalarını pozmalarına görə nəzərdə tutulan cəza sistemini təkmilləşdirməyi nəzərdə tutur.

AZƏRTAC xəbər verir ki, “Kommersant” qəzetinin yazdığına görə, nazirliyin hazırladığı sənəd layihəsində sərhəd buraxılış məntəqələrində avtomobillərin nömrələrini qeydə alan kameraların quraşdırılması, avtomobil nömrələrinin qeydiyyatının federal gömrük komitəsinə və polisə ötürülməsi təklif olunur.

Bundan əlavə, Rusiya Nəqliyyat Nazirliyi ölkəni tərk edən nəqliyyat vasitələrinin sərhəddə cərimə borcunun olub-olmamasının yoxlanmasını və borc olduqda saxlanmasını təklif edir. Sərhəd-keçid məntəqələrində cərimə borcu olan avtomobillərin saxlanması üçün dayanacaq, eləcə də cərimənin ödənilməsi üçün terminalların yaradılması da nəzərdə tutulur.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.