İDMAN


Rüstəm Qasımov: ABŞ-a medal qazanmaq üçün gəlmişdim

Bakı, 11 mart, AZƏRTAC

Yaxşı yarış oldu və mən də uğurla çıxış etdim. Başda məşqçilərim Asif Məmmədov və Taleh Hüseynova minnətdarlığımı bildirirəm. Bir sözlə əməyi olan hər kəsə əziyyətinə görə çox təşəkkür edirəm. Medal qazanmağım çox yaxşı oldu.

AZƏRTAC xəbər verir ki, bu sözləri ABŞ-ın Las-Veqas şəhərində keçirilən yeniyetmə ağır atletlər arasında dünya birinciliyində 67 kiloqram çəki dərəcəsində birdən qaldırma hərəkətində bürünc medal qazanan Rüstəm Qasımov söyləyib.

Milli komandamızın yeniyetmə idmançısı deyib: “Qolumdakı zədəm təkanla qaldırmada və toplamda medal əldə etməyimə mane oldu. Buna baxmayaraq, sonadək mübarizə apardım və rəqabətdən çəkinmədim. Bura gələndə qarşıma medal qazanmaq məqsədi qoymuşdum. Sevinirəm ki, istəyimə nail ola bildim”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.