İQTİSADİYYAT


SAHİBKARLIĞIN İNKİŞAFINI SÜRƏTLƏNDİRMƏK ÜÇÜN

İqtisadi İnkişaf Nazirliyi sahibkarlığın inkişafını sürətləndirmək, kreditləşdirmə şəbəkəsini genişləndirmək, girov mexanizmini sadələşdirmək məqsədi ilə yeni təkliflər hazırlayır.

Nazirlikdən AZƏRTAC-a bildirmişlər ki, “Azərbaycan Respublikasında kiçik və orta sahibkarlığın inkişafının Dövlət Proqramı”nın icrasını təmin etmək məqsədi ilə nazirliyin və digər icra orqanlarının nümayəndələrindən ibarət işçi qrupları yaradılmışdır. Proqramın həyata keçirilməsi mexanizmini müəyyənləşdirən bir sıra hüquqi sənədlər hazırlanmış və dövlət qeydiyyatına alınmışdır. Kiçik və orta sahibkarların sərmayə təklifləri üzrə yaradılmış məlumat bankına 200-dək məlumat daxil edilmişdir.

İnhisarçılıq fəaliyyətinin məhdudlaşdırılması və azad rəqabət şəraitinin yaradılması, sahibkarlığın inkişafına süni maneələrin aradan qaldırılması istiqamətində ardıcıl tədbirlər həyata keçirilməkdədir. Bunun üçün ilk növbədə antiinhisar qanunvericiliyinin təkmilləşdirilməsi istiqamətində işlər görülür. Azərbaycan Respublikasının “Antiinhisar Məcəlləsi”nin hazırlanması başa çatmaqdadır. Bütün bunlar ölkəmizdə kiçik və orta sahibkarlığın inkişafına öz müsbət təsirini göstərəcəkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.