SİYASƏT
ŞƏRƏFSİZLİK ZİRVƏSİNDƏ
ŞƏRƏFSİZLİK ZİRVƏSİNDƏ
Hörmətli oxucu! Mənim bu yazım heç bir siyasi konyuktura güdməyən, vicdanımın tələbi və təfəkkürümün hökmü ilə yazılıb. Məqsədim, son illər "Yeni Müsavat" qəzeti və redaktoru R.Arifoğlunu heç bir məntiq və ədəb-ərkan qaydalarına sığmayan, xalqımızın əxlaq normalarına vicdansızcasına xəyanət edən fəaliyyətinə vətəndaşlıq mövqeyindən münasibət bildirməkdir.Məlum olduğu kimi, mən 1996-cı ilədək müxalifət partiyası "Müsavat"ın rəhbərliyinə daxil olmuş, indi də bu partiyada dostlarım var və ləyaqətli insanlarla isti münasibətlərim davam etməkdədir. Buna baxmayaraq, əslində bu partiyanın orqanı olan "Yeni Müsavat" qəzetinin səviyyəsiz qəlbi xalqımızın ləyaqətli oğullarına kin-küdurətlə dolu, acgöz, manyakal şöhrətpərəst, heç bir reallığa dayanmayan lovğa baş redaktoru R.Arifoğlunun şərəfsizcəsinə qara böhtanlarla dolu fəaliyyəti qəlbimdə dərin bir nifrət oyadır!..R.Arifoğlu 90-cı illərin əvvəlində, xüsusilə, Cəbhə hakimiyyəti yıxılandan sonra siyasi mövqeyi olmayan sakit bir həyat sürür, maddi həyatı yüksəltmək üçün dəridən-qabıqdan çıxırdı. O vaxtlar o, özünü türk millətçisi və rəhmətlik Ə.Elçibəyin şagirdi adlandırırdı. Elçibəy və silahdaşları 1993-cü ildə S.Hüseynov və R.Qazıyevin hərbi qiyamından sonra respublikanı ağır böhrandan qurtarmaq üçün yeganə çıxış yolu olaraq, Heydər Əliyevi Bakıya rəhbərliyə dəvət edəndən sonra R.Arifoğlunun siyasi mövqeyi 180 dərəcə dəyişdi. Elçibəyə və respublikanın prezidenti Heydər Əliyevə qarşı böhtan kampaniyasına başladı. Bu işdə ona Elçibəy hökumətinin bəzi üzvləri və bütün siyasi fəaliyyəti dövrü Azərbaycan xalqı və dövlətinə düşmən mövqeyi tutan, erməni diasporasına xidmət edən, vətən xainləri R.Qazıyev, S.Hüseynov, Ə.Hümbətov və digərlərini müdafiə edən, milliyyətcə ermənilərə yaxın qohum olan Leyla Yunusova (Lala Yunosyan) ilə yaxınlıq özəl rol oynadı.R.Arifoğlu Elçibəyə müxtəlif böhtanlar atmaqla yanaşı, onu və silahdaşlarını "tayfa müxalifəti" adlandırmaqla, hörmətdən salmağa çalışdı. Təbii ki, bu sırada İ.İbrahimli və mən, adlarımız çəkilməsə də, nəzərdə tutulurduq. Təəssüf ki, o dövrdə Müsavat Partiyasının rəhbərlərindən və ya ləyaqətli adamlarından bir nəfər də olsun bu manyakı qınamadı ki, əgər İbrahimli və Rəhimli tayfa müxalifətidirsə, sən isə həqiqi müxalifətsənsə niyə onların normal ev-eşiyi, yaşayış şəraiti, maaşı və s. yoxdur, sən isə bir neçə zəngin evin, bahalı xarici maşınların, yüksək məvacibin, var-dövlətin sahibisən?! Son illər R.Arifoğlunun maniya xəstəliyi daha da şiddətlənib. Belə ki, bu nadan torpaqlarımızı fəth edən, yüz minlərlə həmvətənimizi ev-eşiyindən didərgin salan erməni faşistlərindən, onların rəhbərlərinin bəd əməllərindən bir sətir də yazmadığı halda, respublikamızın rəhbərinə, onun ailə üzvlərinə, digər ləyaqətli adamlara öz cızma-qaralarında heç bir əsası olmadan nədyanlar yazır, qara böhtanlar yaxır. Təəccüblüdür ki, nə aid olduğu partiyanın ləyaqətli insanları, nə də onun valideynləri bu əllamənin qarşısını almaq, onun başına ağıl qoymaq üçün heç bir cəhd etmirlər?Bir neçə həyatı misal R.Arifoğlunun doğrudan da maniya xəstəliyinə tutulduğunu bariz surətdə birmənalı sübut edir. 1998-ci ilin oktyabr ayında həmişə olduğu kimi, "Yeni Müsavat" qəzetində R.Arifoğlunun heç bir analitik əhəmiyyət kəsb etməyən, köhnə yazıları təkrar edən bir böyük həcmli yazısı dərc olunmuşdur. Bu yazıda bircə biabırçı cümlə diqqəti cəlb edirdi: "Dahi jurnalist" R.Arifoğlu Azərbaycan xalqından utanmadan yazırdı: "İ.Qəmbərdən sonra respublikanın prezidentliyinə özüm namizədliyimi verəcəyəm". Bu dərəcədə nadan, yekəxana, cəmiyyətdə öz yerini və qiymətini bilməyən adamcığa bilmirsən güləsən, ya ağlayasan? Bir başı papaqlı kişi tapılmadı ki, bu manyaka desin: gədə, sən kimsən, nə karəsən, nə biliyin-bacarığın və millət qarşısında xidmətin var ki, prezidentlik iddiasındasan? Azərbaycanın böyük dövlət və siyasi xadimləri, alimləri, mühəndisləri, mədəniyyət xadimləri məgər ölübdür ki, sənin kimi başıboş, savadsız və təcrübəsiz bir kimsə Azərbaycan kimi bir intellektuallar ölkəsinə rəhbər ola bilər? Sən heç öz partiyanda belə onca nəfər şəxs tapa bilərsən ki, sənin bu şizofrenik sayıqlamalarına ciddi yanaşsın?Təbii ki, heç kim R.Arifoğlunun bu tip anormal deyimlərini ciddi qəbul etmir. Lakin respublikamızda siyasi, ictimai, iqtisadi və digər sahələrdəki fəaliyyət sahələrini daim izləyən, onları analiz edib qiymətləndirən xarici ölkə ekspertləri R.Arifoğlu kimi manyak siyasətçilərin fəaliyyət və fikirlərinə görə respublikamız haqda heç də müsbət fikirdə olmurlar.Bir ölkədə ki, böyük dövlət vəzifələrinə və xüsusilə, prezident kreslosuna savadsız bir jurnalist və ya orta məktəb müəllimi, oğru polis işçisi, dünənki tələbə, beş-on şer yazan orta səviyyəli şair, öz ixtisasını belə kifayət qədər bilməyən həkim, hətta slesar iddialı olursa, beynəlxalq təşkilatlar, sivil ölkələr, ekspertlər heç zaman inana bilməzlər ki, o ölkənin xalqı demokratiyaya, çağdaş ölkə qurmağa hazırdır. Nəticədə respublikamıza beynəlxalq təşkilatlar inamsız yanaşır və demək olar ki, bütün məsələlərdə ermənilərə dəstək verilir. R.Arifoğlunun 1999-ci ildə öz bulvar qəzetində bir sayıqlamasını da xatırlatmaq istəyirəm. Hörmətli prezidentimizin ürəyində ABŞ-da əməliyyat aparılmışdı. Cəhənnəm bayquşu R.Arifoğlu sabahkı günü sevinclə yazırdı: "Naxçıvanlı və ermənistanlılar üzü Xəzərə doğru düzlənin". Başı zir-zibillə dolu olan, öz fəaliyyəti ilə ermənilərə əvəzsiz xidmət göstərən bu manyakdan bundan ağıllı bir şey gözləmək olmayan işdir. Tülkü qədər qorxaq olan bir adamdan belə cəsarətli, lakin tamamilə mənasız bir fikir eşitmək yalnız və yalnız gülüş doğurur. Xalqımızın oğulları Qarabağ uğrunda şəhid olarkən, bu cılız və xudpəsənd adam qardaşı ilə birlikdə vətən borcundan xəstəlik bəhanəsi ilə gizlənirdilər. Digər tərəfdən, mən hələ indiyədək eşitməmişəm ki, R.Arifoğlu və qohum-əqrəbası bir cəsarətli, qeyrətli iş görsünlər. Bu gədə o qədər qeyrətsizdir ki, qəzetində neçə illərdir onun doğulduğu bölgədə ermənilərin qəsb edib tualetə çevirdiyi kəndlərin adını belə yazılarında xatırlamır. Bu nadanın qohum-əqrəbası yalnız satqınlıqda mahirdilər. Tarix heç zaman R.Arifoğlunun qohum-əqrəbasının Azərbaycanın qeyrətli kişisi, Gəncə hakimi Cavad xanın ailəliklə məhv edilməsində binamusluqla rus qəbskarlarına xidmətini unutmayacaqdır!... İndi R.Arifoğlu və "Yeni Müsavat"ın kollektivi bu xidməti bilərəkdən və ya bilməyərəkdən erməni qəsbkarlarına göstərməkdədir. Naxçıvanlıları Xəzər dənizinə tökmək üçün, R.Arifoğlu, sənin və qohum-əqrəbanın kişiliyi çatmaz. Çünki tarix boyu yüz illərlə naxçıvanlılar qeyrət və hər şeydən namusu yüksək tutmuşlar. Bu torpaq Eldəgizlər kimi dünyanın yarısına hökm edən hökmdarlar, Heydər Əliyev kimi dahi siyasətçilər və müdrik dövlət başçıları yetirmişdir.Milli azadlıq hərəkatının ən gərgin çağında onun rəhbərliyini üzərinə götürüb, xalqımızın müstəqilliyinə bu torpağın müdrik və vətənpərvər övladı Ə.Elçibəy nail olmuşdur. 1991-ci ilin martında onlarla naxçıvanlı igid Sədərəkdə erməni-rus tanklarının qarşısına avtomat və qranatlarla çıxaraq, şəhid olmuş, lakin qəsbkarlara ağır erməni blokadası şəraitində bir qarış belə torpaq verməmişlər. Sən R.Arifoğlu hansı deşikdə gizlənmişdin, indi naxçıvanlıları dənizə tökmək eşqinə düşmüsən?!Keçən həftəki "Yeni Müsavat"ın nömrələrindən birində kin-küdurətdən beyni kirəclənmiş R.Arifoğlu özündən də xəstə təxəyyüllü qardaşı bir neçə sütun yazıb hamıya mənəviyyat dərsi vermək təşəbbüsündə oldular. R.Arifoğlunun qardaşı Azər öz cızma-qarasında sübut etmək istəyir ki, Heydər Əliyevin 80 yox, 83 yaşı tamam olur. Guya Heydər Əliyev nə vaxtsa yaşını azaldıb? İlahi, insan nə qədər nadan və şərəfsiz olarmış, özü də belə gənc yaşında? Gədə, deməzlər ki, sən hansı mənəvi haqla ölkənin ağsaqqal rəhbərinə bu cür böhtanlar atırsan? Deməzlər ki, özünüz əsgəri xidmətdən qaçdığınız halda, kiməsə irad tutmağa cəsarət edirsiniz?! Nəhayət, deməzlər ki, ay binamuslar, pul qazanmaq, maşınlar, evlər almaq üçün siz dünənə kimi fahişəliyi təbliğ edən qəzet buraxırdınız. Sizin bundan sonra hələ kiməsə mənəviyyat dərsi keçməyə, ümumiyyətlə, Azərbaycanın müqəddəs torpağına ayaq basmağa haqqınız varmı?! Bir neçə cümlə də "Yeni Müsavat" qəzetinin kollektivi haqda söz demək istəyirəm. Fikrimcə, bu kollektiv kifayət qədər istedadlı gənclərdən (əksəriyyəti ixtisasca jurnalist olmasa da) ibarətdir. Lakin uzun illərdir ki, manyak R.Arifoğlu ilə çalışdıqlarından onların əksəriyyətinin beyni qara böhtanlarla zəhərlənmişdir. Odur ki, bu bədbəxt gənclər artıq yalan-böhtan yazmaqda manyak müəllimlərini də ötmüşlər. Kiçik bir misal. Bu günlərdə "Yeni Müsavat"ın nömrələrinin birində jurnalist Cavid bəyin Heydər Əliyevin yubileyi və on illik fəaliyyəti barədə bir yazısı dərc olunmuşdur. Gözümüzün qabağında 10 il öncə baş vermiş hadisələri tamamilə baş-ayaq təsvir etməyə cəhd göstərir. Gənc jurnalist yazır ki, guya Heydər Əliyev hakimiyyətə hərbi çevrilişlə gəlibdir. 1993-cü ildə Cavid bəy yəqin ki, çox gənc, bəlkə də uşaq idi. Odur ki, o dünənki tarixi bilərəkdən və ya bilməyərəkdən təhrif edir. Bu yüz faizli həqiqətdir ki, Heydər Əliyevi respublikanın rəhbərliyinə Ə.Elçibəy və yaxın silahdaşları dəvət etmişdilər və onu Naxçıvandan gətirmək üçün üç dəfə təyyarə göndərmişlər. P.Hüseynov A.Cəlilovun kabinetindən dalbadal səkkiz dəfə Heydər Əliyevə telefonla zəng edib gəlməyini xahiş etmişdir... Cavid bəy yazır ki, guya Heydər Əliyevin respublikaya son 10 illik rəhbərliyi dövründə respublika 50 il geri düşmüşdür. Bu fikri ilə Cavid bəy respublikamızda son illərdə baş verən möhtəşəm siyasi, ictimai, iqtisadi və diplomatik prosesləri başa düşmədiyini nümayiş etdirmişdir. O dövrdə bütün sahələrdə respublikamızın çox ağır durumu inkaredilməz həqiqətdir. Respublikanın bütövlüyü və müstəqilliyi böyük təhlükə altında idi. Cəbhə-Müsavat hakimiyyəti, Rəhim-Surət və bəzi düşmən ölkələrin hədəsindən qorxaraq pərən-pərənə düşmüşdür. Əgər hakimiyyət R.Qazıyev və S.Hüseynov kimi acgöz və satqınlara və ya A.Mütəllibov kimi zəif iradəli siyasətdə Rusiya və İrana bağlı olan şəxsə, A.Hacıyev, S.Əkbərov və İ.Şirinov kimi dilletantlara verilsəydi, indi respublikamız ən yaxşı halda Tacikistan kimi Rusiyanın bir hüquqsuz əyalətinə çevrilmişdi. Yəni, əlvida müstəqillik. Odur ki, Ə.Elçibəy çox böyük müdriklik və uzaqgörənlik edib böyük dövlətçilik və siyasi təcrübəsi olan, son dərəcə iradəli və müdrik rəhbər Heydər Əliyevə hakimiyyəti təhvil verdi. Və dövlətçiliyimizin möhkəmlənməsinə və müstəqilliyimizin dönməzliyinə bu müdrik şəxsin sayəsində nail olduq!Cavid bəy, unutma ki, qonşu dövlətlər bizə əsrin neft müqavilələrini və "Bakı-Ceyhan" neft kəmərini çəkməyə heç zaman imkan verməzdilər. Bu qeyri-adi layihələr yalnız və yalnız Heydər Əliyevin son dərəcə təmkinli, incə və müdrik diplomatik gedişləri ilə mümkün oldu.Nəhayət, R.Arifoğlunun ağsaqqalarına (əgər belələri varsa), bir tövsiyəm var: bədbəxt oğlunuz manyakdır və xəstəliyin sağalmaz son mərhələsindədir. O, artıq cəmiyyət üçün itirilmişdir. Ona görə, heç olmazsa, onun övladlarını qoruyun və xilas edin. Əks təqdirdə, bu cocuqlardan elə mutant - R.Arifoğlanları meydana gələr ki, oğlunuz bu mutantların yanında şükür etməli olar. Allah amanında.Ədalət RƏHİMLİ,
Kimya elmləri doktoru, professor, Nyu-York Akademiyasının həqiqi üzvü, keçmiş millət vəkili.