Dövlətçiliyimizdə müstəsna əhəmiyyətə malik prezident seçkiləri kimi mühüm və ümummilli prosesin başladığı və bu istiqamətdə ciddi işlərin aparıldığı ərəfədə, o qədər də tanınmayan “Amal” ziyalılar hərəkatı”nın xalqın adından şəxsi mənafeləri baxımından danışan və bununla da ictimai fikri azdırmağa çalışan bir qrup üzvünün bəyanatını pisləyən respublikanın tanınmış fəxri təqaüdçülərinin müraciətini biz də dəstəkləyirik. 

Vaxtilə yiyələndikləri hakimiyyəti idarə edə bilməyən, torpaqlarımızı işğalçı ermənilərə qurban verən və yenidən hakimiyyətə gəlmək xülyası ilə yaşayan müxalifət partiyalarına dəstək verənlərin dövlətimizin başçısı Heydər Əliyevin sağlamlıq durumu ilə bağlı məlum olaydan istifadə edərək baş qaldırmaları və ziyalı adına yaraşmayan iddialarla çıxış etmələri hamımızda sonsuz qəzəb və ikrah hissi doğurmuşdur. Axı, Azərbaycan ziyalısı bu gün millətə daha artıq örnək olmalı, səriştəsiz hakimiyyət hərislərinin siyasi maraqlarının girovuna çevrilməməlidir.

Hamıya məlumdur ki, son günlər ambisiyalı çıxışlar, üzdəniraq qəzetlərdə qərəzli yazılar və bəyanatlarla dövlətimizin başçısının vətənimiz və xalqımız üçün gördüyü böyük işlərin üstünə kölgə salmaq istəyənlərdən fərqli olaraq, Heydər Əliyev 30 ildən artıq bir müddətdə hakimiyyətdə olmuş, həmişə müdrikliyi, cəsarəti, mərdliyi, dözümlülüyü, millətinə sədaqəti ilə özünü təsdiqləmiş və xalqa sevdirmişdir.

Prezident Heydər Əliyevin öz xalqı qarşısında, tarix qarşısında ən böyük xidməti Azərbaycanı parçalanmaqdan, dövlətçiliyimizi məhv olmaqdan xilas etməsi, ölkəmizdə möhkəm sosial-siyasi sabitliyə, iqtisadi yüksəlişə nail olması, respublikamıza böyük sərmayələr gətirən, onu dünya sivilizasiyasına qovuşduran müdrik daxili və xarici siyasət kursu yeritməsidir. Bütün bunları hamı, o cümlədən işi-peşəsi qara yaxmaq, böhtan atmaq olan müxalifət düşərgəsinin siyasət dəllalları da yaxşı bilirlər. Yaxşı bilirlər ki, Heydər Əliyev ən çətin məqamlarda, ən mürəkkəb vəziyyətlərdə xalqımızı, dövlətimizi və dövlətçiliyimizi faciələrdən, fəlakətlərdən qurtarmaq üçün taleyin bizə bəxş etdiyi xilaskardır. Bəli, Heydər Əliyev xilaskardır. Heydər Əliyev təkcə Azərbaycanın, regionun deyil, dünyanın siyasi proseslərinə təsir göstərə bilən dövlət xadimidir. Elə bir xadim ki, onun xidmətlərinə heç nə ilə kölgə salmaq mümkün deyildir.

Zeynəb Yəhya qızı Xanlarova

Məmməd İnfil oğlu İbrahimov-Məmməd Araz

Nəsibə Cahangir qızı Zeynalova

Tükəzban Məhərrəm qızı İsmayılova

İlhamə Məzahir qızı Quliyeva

Amaliya Əliş qızı Pənahova

Vaqif Səməd oğlu Vəkilov

Maqsud Məmmədibrahim oğlu İbrahimbəyov

Elza İmaməddin qızı İbrahimova

Ramiz Adil oğlu Mirişli

Rasim Mirqasım oğlu Ocaqov

Həsən Ağaməmməd oğlu Məmmədov

Habil Mustafa oğlu Əliyev

Balaş Allahbaxış oğlu Abızadə

Feyruz Rəcəb oğlu Mustafayev

Xalidə Əliəkbər qızı Səfərova

Əmir Gülbala oğlu Mustafayev

Maral Yusif qızı Rəhmanzadə

Nəriman Həbib oğlu Məmmədov

Sabir Nüsrət oğlu Mirzəyev

Mirələsgər Mirəsədulla oğlu Mirqasımov

Əbdüləhəd Hüseyn oğlu İsrafilzadə

Əlibaba Balaəhməd oğlu Məmmədov

Kamran Əsəd oğlu Hüseynov

Davud Mehdi oğlu Kazımov

Yaşar Abutalıb oğlu Səfərov

Çimnaz Məmməd qızı Babayeva

Sona Hənifə qızı Tağıyeva

Əlibəy Mirzəhəsən oğlu Rzaquliyev