SİYASƏT
STALİNQRAD VURUŞMASININ İŞTİRAKÇILARI İLƏ GÖRÜŞ KEÇİRİLMİŞDİR
Nərimanov Rayon İcra Hakimiyyətində müharibə və əmək veteranları ilə görüş keçirilmişdir.
Respublika Müharibə, Əmək və Silahlı Qüvvələr Veteranları Şurasından AZƏRTAC-ın müxbirinə bildirmişlər ki, rayon icra hakimiyyətinin başçısı Zülfüqar Kazımov Vətən müharibəsi veteranlarının döyüş şücaətlərindən danışaraq, onları tarixi Stalinqrad vuruşmasının ildönümü münasibətilə təbrik etmişdir.
Çıxış edən veteranlar onlara göstərilən dövlət qayğısına görə təşəkkürlərini bildirmiş, qarşıdan gələn prezident seçkilərində fəal iştirak edəcəklərinə söz vermişlər.
Müharibə veteranlarına yubiley medalları və pul mükafatları təqdim olunmuşdur.