SU TƏMİNATI PROQRAMI YERİNƏ YETİRİLİR
“Azərsu” Açıq Səhmdar Cəmiyyətinin tikinti-quraşdırma sahəsi Salyan şəhərinin içməli su təminatı üzrə Dövlət Proqramının icrasını uğurla davam etdirir. Podratçı təşkilat qısa müddətdə burada 600 milyon manatlıq iş görmüşdür. Güclü su nasosları, xidmət otaqları və 1000 ton su tutumu olan anbar inşa edilmiş, 400 metr uzunluğunda yeni xətt çəkilmişdir.
Sahədən AZƏRTAC-ın müxbirinə bildirmişlər ki, növbəti mərhələdə 1000 ton su tutumu olan daha bir anbar da tikiləcəkdir.