REGİONLAR


Sabirabadda 234 ailəyə ipəkqurdu toxumu paylanılıb

Sabirabad, 7 may, Mahir Babayev, AZƏRTAC

Prezdent İlham Əliyevin respublikada baramaçılığın inkişafı ilə bağlı qarşıya qoyduğu vəzifələr Sabirabadda uğurla həyata keçirilir.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, ötən il rayonda 14 ton 100 kiloqram barama istehsal olunub. Cari mövsümdə isə 20 ton barama istehsalı nəzərdə tutulub və bunun üçün 500 qutu (9500 qram) inkubasiya olunan ipəkqurdu toxumu gətirilərək kümçülərə paylanılıb.

Dövlətin bu sahənin inkişafı üçün göstərdiyi qayğı və hər kiloqram məhsul üçün verdiyi əlavə subsidiyalar rayonda bu sahəyə olan marağı ilbəil artırır. Ötən il rayon üzrə 169 ailə barama istehsalı ilə məşğul olmuşdursa, bu mövsüm 234 kümçü ilə müqavilə bağlanılıb və onlara ödənişsiz olaraq ipəkqurdu toxumu paylanılıb.

Qeyd edək ki, rayonda ipəkqurdunun yem bazasının möhkəmləndirməsi üçün son 3 ildə 85 min tut tingi gətirilərək ayrı-ayrı yaşayış məntəqələrində əkilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.