REGİONLAR


Sabirabadda 360 şagird yerlik yeni kənd məktəbinin binasında tikinti işləri başa çatıb

Sabirabad, 5 sentyabr, Mahir Babayev, AZƏRTAC 

Sabirabadın Yaxadəllək kəndində tam orta məktəb üçün tikilən 360 şagird yerlik yeni məktəb binasının tikintisi başa çatıb.

AZƏRTAC-ın bölgə müxbiri xəbər verir ki, sinif otaqları, idman və akt zalları, kimya, fizika və biologiya laboratoriyaları, kompüter otaqları, kitabxana, yeməkxana və digər yardımçı sahələri olan məktəb binasında hazırda kosmetik işlər görülür.

Təhsil ocağının ərazisi abadlaşdırılıb, yaşıllıqlar salınıb. Həyətdə müxtəlif idman qurğularının quraşdırılması nəzərdə tutulub. Məktəb yeni avadanlıq, inventar və əyani vasitələrlə təchiz olunur.

Yeni təhsil ocağının 15 sentyabr - Bilik günündə istifadəyə verilməsi nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.