İDMAN


Sablyaçımız Türkiyədə keçirilən turnirdə üçüncü yeri tutub

Bakı, 16 may, AZƏRTAC

Sablya üzrə yığma komandamızın üzvləri Avropa Qılıncoynatma Konfederasiyasının İstanbulda keçirilən U-14 yarışında və U-12 açıq turnirində iştirak ediblər.

Azərbaycan Qılıncoynatma Federasiyasından AZƏRTAC-a bildiriblər ki, turnirdə 6 sablyaçımız mübarizə aparıb. On dörd yaşadək oğlan sablyaçıların yarışında Ayxan Xasiyev 116 iştirakçı arasında 11-ci, Murad Muradov 45-ci, Nurlan Zeynallı isə 53-cü olublar.

Eyni yaşadək qızların mübarizəsində isə ən yaxşı nəticə Zərifə Hüseynovaya məxsusdur. Qrupda keçirdiyi bütün görüşləri qələbə ilə başa vuran Z.Hüseynova yarımfinaladək irəliləyib. Sablyaçımız 85 iştirakçı arasında üçüncü yeri tutub.

On iki yaşadək atletlərin yarışında isə Murad Muradov 116 iştirakçı arasında 15-ci olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.