REGİONLAR


Salyandakı Tarix-Diyarşünaslıq Muzeyində 900 il yaşı olan tütək saxlanılır

Salyan, 8 mart, Mahir Babayev, AZƏRTAC

Salyandakı Tarix-Diyarşünaslıq Muzeyində gildən hazırlanmış qədim tütək saxlanılır. Muzeydə mühafizə olunan bu musiqi aləti tədqiqatçıların dediyinə görə, ən azı 900 il bundan əvvəl hazırlanıb.

AZƏRTAC-ın bölgə müxbiri xəbər verir ki, bu maddi-mədəniyyət nümunəsi ötən əsrin 80-cı illərində rayon ərazisindəki Marışlı, Noxudlu və Qırxçıraq qədim yaşayış məskənlərində arxeoloji qazıntılar zamanı tapılıb.

Qədim musiqi aləti muzeydə toplanan 10 mindən çox eksponatın demək olar ki, ən kiçiyidir. Onun uzunluğu 6 santimetrə yaxındır.

İlk baxışdan müasir tütəklərdən fərqlənsə də, ifa zamanı bu alət onlardan heç də geri qalmır. Nəfəsli alətlərin ifaçısı Mirağa Abdullayev bildirib ki, qədim gil-tütəyin müasir zurna, balaban və tütəkdən fərqi onun ikinci notunun olmasıdır. Bu isə ifa zamanı bəzi çətinliklər yaradır.

Qədim tütək əcdadlarımızın musiqi biliyini müəyyən etmək baxımından da mühüm əhəmiyyət daşıyır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.