REGİONLAR


Şamaxıda hər gün taxıl zəmilərinə 23-dək kombayn çıxarılır

Şamaxı, 19 iyun, AZƏRTAC 

Şamaxıda cari mövsümdə 20 min 363 hektar taxıl sahəsində məhsul yığılacaq. Taxıl sahələrinin 13 min 753 hektarı buğda, 6 min 610 hektarı isə arpadır. Hazırda rayonda biçin kampaniyası sürətlə davam etdirilir.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə verilən məlumatda bildirilir ki, hər gün zəmilərə 23-dək taxılbiçən kombayn çıxarılır. Artıq 1702 hektarda arpa, 369 hektarda buğda biçilib. Rayonun Məlikçobanlı, Birinci Çaylı, Dağ Göylər, Bağırlı, Quşçu və bir sıra digər ərazi dairələrində bu mühüm kampaniya mütəşəkkilliklə davam etdirilir. Hər yerdə taxılçılar məhsul yığımının optimal müddətdə və itkisiz başa çatdırılması üçün ciddi səy göstərirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.